***
Сеецца дожджык маленькі.
Дзесьці грымоты чуваць.
Дыхае сад маладзенькі.
Мые свой твар сенажаць.
Блісне бязгучна маланка,
Следам накоціцца гром.
То Беларусь-партызанка
Чэрпае неба вядром.
Зноў у сабе затаіцца
Хоча краіна мая,
Толькі б з грымот тых напіцца,
Каб урадзіла зямля.
12. 06. 2020 г.
Сеецца дожджык маленькi...
© Copyright: Юрий Боровицкий, 2020
Свидетельство о публикации №120061203439
Свидетельство о публикации №120061203439
Рецензии