Заз туьк/уьрай кьеб
Кьведни сагърай чеб
Уьмуьрдин метлеб
Дидени буба!
Фу, хуьрек гайи
Хурун нек гайи
Заз мелек хьайи
Дидени буба!
К/вачив чил кьаз тур
Темен гуз зу кьур
Хадач куь хатур
Дидени буба.
Куь лайлайдин ван
Хьанай заз азан.
Авур заз рик/-чан
Дидени буба.
Элкъуьриз гъилер
Жерягьдин тегьер,
Сагъ хъувур хирер
Дидени буба.
Зун кстах аял
Я лугьуз кьегьал,
Дамах авур зал
Дидени буба!
Тахьуй лугьуз т/ар
Аслан гана т/вар.
Заз гьала зат/ар
Дидени буба.
Гьал хьайла сефил
Квехъ жеда зи вил.
Яхъ куьне зи гъил
Дидени буба!
Алакъада чун
Авай кар я, хьун.
Куь са ц/ир я зун
Дидени буба!
Бурж ала куьн зал
Чирайдай заз ч/ал.
Вахкуз жеда жал ?
Дидени буба.
Эхь, эхь сир туш им ,
Къе закай итим,
Авурбур даим
Дидени буба.
Куьн хьтинбур жез
Физва уьмуьр, къвез.
Ухшар я зун квез
Дидени буба!
13.05.2020.
Дидени -буба
© Copyright: Гулья Мисриханова, 2020
Свидетельство о публикации №120052507539
Свидетельство о публикации №120052507539
Рецензии