Ава чахъни вафалубур Ватандиз.
Хьайи ксар халкьдиз хвани шаирни.
Ганайт/ани девирри каш-мекь тандиз.
Т/вар амукьай, авунвай чеб чаз чирни.
Агъсакъал, чуру рехи Сулейман!
Гьахьтинди тир чи ч/ехи Сулейман!
Москвадиз фенай вун дагълар магьшуриз
Хурудани туна лезги руьгь девлет.
Куьредин булахрин илгьам къалуриз,
Алексеяз акъайнай на халкьдин кьисмет.
Кам вегьез вилик фейи Сулейман!
Дагъвидин намус хвейи Сулейман!
Ви гьар са ц/ар, чидай касдиз къизил я.
Гафарин гьамбар гвай, чи ч/алан устад.
Квай, маналу гафар, к/елиз кьезил я.
Сулейманан эсеррихъ лап гала дад.
Чуьнгуьр гъиле кьур ашукь Сулейман!
Эбеди яз, чахъ амукь Сулейман!
Ц/аяр ягъиз канайт/ани к/валер ви,
Чун мугьмандиз къведай к/вал мад гьазур я.
Руьгьда вун тваз алахънавай рик/ер чи,
Ви т/варц/елди къе дуьньядиз магьшур я.
Ингье халкьдин сувар я къе, чаз к/ани!
Сулейман хайи югъ, гъиле саз хьайи!
Ст ал -Сулейман
© Copyright: Гулья Мисриханова, 2020
Свидетельство о публикации №120052507391
Свидетельство о публикации №120052507391
Рецензии