Мубаракрай хайи югъни ваз хьанвай яшар.
Дем гурлу хьуй , суфрадални шиш-кабар , ашар.
Чида заз мад мурадарни амайди рик/е,
Мублагь хъижез цуьк акъатрай , вун физвай рекье.
Дарк/ушрин куьгьне хуьрел чан хкана вуна
Зун хайи муг зи Ватан я , лагьана вуна.
Гьак/ тирвиляй Ватандини акъайна кьве гъил
Эйзудинан эхтибарда тунва вичин чил.
Текдиз амукь тавуй лугьуз бубайрин сурар
Аял ч/авуз камар къачур синерни ч/урар.
Кьегьал хва , на садрани, тахьуй лугьуз сефил
Ц/ийи к/валер мад эхцигиз кутунва ви кьил.
Са шакни алачиз хьанва хва вун Ватандин!
Сагъламвилер артух хьурай халу ваз чандин.
Мубаракрай хайи югъни хьанвай кьван яшар.
Кутур на дем, куьгьне хуьре гьазурна ашар.
Тешкилнавай (миресрин югъ) сувар я чилин.
Кьиле тухуз Дарк/ушвияр хьанва мад к/вачин.
Шадвалзава хайи чили рази яз къе вал.
Сабурдивди вилив хвейи, вун икьван ч/авал.
Эйзудин Сайдумован 70-йис
© Copyright: Гулья Мисриханова, 2020
Свидетельство о публикации №120052507232
Свидетельство о публикации №120052507232
Рецензии