Дуьньяд вири няметрилай
Рикlиз кlани затl я ширин,
Эгъи касдин гьуьрметдилай
Жувандан ният я ширин.
Чlаларивди цlалцlам авур
Лавгъадикай кьегьал жедач,
Регьимлуда гьарам авур
Ризкьени мад гьалал жедач.
Лекьни къаргъа къушар я са,
Лекь такабур цава ава,
Къаргъадин суй кафтар я са,
Чиркинарин юкьва ава.
Аллагьдини гайи гьунар
Лазим кардиз фикир ая,
Цlалцlам жемир чарадан кар
Жувандакай хийир ая.
Дуьньядин няметрилай
© Copyright: Магомед Мирзоев Мирзой, 2020
Свидетельство о публикации №120051206766
Свидетельство о публикации №120051206766
Рецензии