Ванна везарг вайна мустафа ганижев

ВАННА ВЕЗАРГ ВАЙНА   Мустафа Ганижев
(Ленора дагайохаш яьзъаь байт)

Йо1 цуна езар бакъдолаш,
Т1ема т1а вугаш  хул везарг.
Йо1га оал цо, мукъа воацаш:
«Хьанаб хьа г1айг1ане б1арг?

Ванна-дийна сона хуле,
Со хьежаргъя укха ц1аг1а,
Т1оам д1алалца дийна хуле».
Ха д1айодаш бетташ уха.

Хьал, говрабаьри ва хоамбеш,
Гуйрина бийса т1аена.
«Хьона дагайоаг1и уж замаш,
Хьалх, мишта со везар хьайна?

Т1аха говра сона т1ехьшка!»
«Са везар, со хьийжай хьога!»
Цо махьайоал из хьалхишка,
Цхьана хила цо из юга.

1аьржа ди г1атта довкъошка,
Оалхазар тарадеш хьарг1а.
Бодар сиха т1къамашка,
Баргагацар баьг1а б1оаг1а.

 «Кхери хьо са езар соца?»
«Ва, са везар, хьоца я со,
Сенах кхера еза сецца,
Миччахьа мара ца хилара?»

Мела узамах мелар мух,
Мела байнараш удар цан хьалх,
Т1ехьелхаш дехача т1ийна,
Ламазде вугаш са тийна.

Д1акхача дац вайна дукха,
Вайна ца могаш х1ама дац:
Гаьнар гуш кашамаш т1аккха,
Седкъий сердалах гуш дар тац.

 «Са безама г1адал йолаш,
Дунен т1а вай къаста деза», –
Нускалга аьлар цо, езаш,
Тоха са дац, дог дар тхьайса.

Вужаш из т1аьдача лаьтта:
Ваннар мара лаьтто чухьоц,
Мархьавол ший керахь атта,
Дийнавар мукъа вуташ соц.
             10. 02. 2020 ш.