Цо лакхац са илли мустафа ганижев

    ЦО ЛАКХАЦ СА ИЛЛИ  Мустафа Ганижев
Хьона лов со кхыча фунаг1 хилар,
Х1аьта сона-м хайра сай сердал йовр.
Маьлха дашо з1анараш хил езар,
Кхы ца гойташ, дега хулийта цхьа товр.

Цхьа энжел ера сога шерашца,
Сога кхаьчар из, маярра чуюаш.
Ер вахар кегалуш, лараш йоврца,
Михо техьайоха наьшаш хулаш.

Мишта тхьовсаргвар сай дего вуташ,
Кертачу хьо бохабир хул отташ.
Сона езар в1алла мут1ахь йоацаш,
Б1аьсти д1айийкъа са торо гойташ. 

Хьано ийцар та керахьар синош,
Хьара денна тхо дагардеш хул цар.
Цу тхой йоазувна алапа д1адовш,
Дегахьа чудужаш мекъала товр.

Вахара со з1анара чуг хулаш,
Наха бицбана фаьлг мо вар  сайна.
Наха лелаеш ц1имхара маьжгаш,
Эхьдайна йохьмараш т1а яр тайна.

Мишта белха, ца1 сона велхара,
Мела г1араер хул дега сийрда.
Цига сай безам го со лелара,
Гаьнашта к1ала, урам бар гойта.

Сона езачо, дакхац са илли,
Хов сона сай сердал д1айовра.
Маьлха з1анараш ейна ма хули,
Сона малх хьахьожаш ца хилара.

Хьана лакхац са илли езачо?
Хеттар аз сай дегага хьосталуш.
Дала тигацар жоп вьг1ача б1аьрчо,
Сога дог дилийта из вар хьожаш.    
                07.05. 2020 ш.