Дилидаказ
Гатун са югъ …мили гьава,
Шагьвар ава цава къугъваз,
Зи япара ван гьатзава:
«Канда заз вун дилидаказ!»
Хуш жедачни сефил рикIиз
Чубарукдин мили аваз,
ТIем къведачни мани кхьиз:
«Канда заз вун дилидаказ!»
Хъуьрезва заз цуькверин чIур,
Шумуд фенва ина гел таз…
Гьиссеривди ацIузва хур:
«Канда заз вун дилидаказ!»
Авахьзава булахдин яд,
Рапрап ийиз, нурар акьаз,
РикIел хкиз жедачни шад:
«Канда заз вун дилидаказ!»
17.07.2019
© Copyright: Билал Адилов, 2020
Свидетельство о публикации №120050208134
Свидетельство о публикации №120050208134
Рецензии