Коронадин азарди рекьизва лугьуз,
Рахаз ава дуьньяда, гьа ик1 гьар юкъуз...
Аквазмач ваз къуншияр, мукьва-кьилияр,
Я аялар, жегьилар, кьуьзуь къарияр...
Къвекъвезвалда деринра, гьахьиз жигердиз,
Гьар инсандин туьтуна, нефес кьаз, рекьиз...
Низ чизва квез гьакъикъат, лагь куьне заз ман,
Садазни и вирусди
гузвачни аман?
Кьуд-пад кисна аквазва, килиг са бабат,
Кук1варзава инсанар, рик1ер ийиз пад...
Ван къвезмач нуьк1верин, тарарал алай,
Атирдин ял цуькверин, гьамиша галай.
Ахварайни аквазва, пачагьрин гьуьжет:
Садазни зат1 жедай туш, сагъ жеда гьелбет…
Нихъ ч1алахъ жен я эллер, вуч ийида, лагь,
Вирусар чи патариз атайт1а нагагь…
Имкан гузвач инсанриз, ахъаиз вилер,
Къурбанд хьайи йикъарни, гьасабиз, йифер...
К1валяй саниз физ тежез, пенжердай акваз,
Зи руьгь пара шехьзва,
Хиялдив рахаз.
Коронадин азар
© Copyright: Назиль Махмуд 76, 2020
Свидетельство о публикации №120042908662
Свидетельство о публикации №120042908662
Рецензии