Бугюн магъа табиат да иржая,
Гюн шавлалай, ят элден азатланып.
Мен чи бугюн уьюме ёл чыгъаман,
Юрек къушдай болакен къанатланып.
Дагъыстангъа, кёп сюеген элиме
Етер гюнню санай туруп мойгъаным.
Сатырланы юрегимни елеген,
Инангъаным - акъ кагъызгъа къойгъаным.
Уьлкелени барысын да гезеймен,
Барына да къайнар салам элтемен.
Гюллер яйып, олар магъа ёл сала,
Ал гюл йимик Ватаныма етемен!
Ватаныма етемен!
© Copyright: Насият Даибова, 2020
Свидетельство о публикации №120042600214
Свидетельство о публикации №120042600214
Рецензии