Агъзур сара рекье авай нефесдиз
Имандикай рик1е гъвеч1и кlвал хьана.
Якъут, къизил герек яни гьевесдиз?
Гьевес квахьай дуьнья дарискъал хьанай!
Сад Аллагьди ччепедални чан гъана
Чун халкь авур югъ сифте я, эвел я.
Дуьнья акур инсанни гьейран хьанай,
Халикьдин тlвар тариф алаз мецел я.
Сад Аллагьдин кьадарралди шад хьана,
Гуьзел са варз атанва чаз–Рамадан!
Михьи фикир, михьи гьисс мурад хьана;
Намуслу халкьарин чил я авадан.
Чун гьисерин гъиле авай, лук1ар хьиз,
Намусдин пар къалурзавай гъалат1 яз.
И гуьзел варз атанва бахтавар хьиз
Гунагьрикай михьиз, багьа савкьат яз.
Рамадан
© Copyright: Магомед Мирзоев Мирзой, 2020
Свидетельство о публикации №120042509220
Свидетельство о публикации №120042509220
Рецензии