Яшырмайлын ялынларын сюювню,
Чеч аявлум юрегимни тююнюн.
Тартынмайлын узат назик билегинг,
Оьсдюрмеге юрегимде чечегинг.
Орнатардай сююв бавда терегинг,
Тамур ташла юрегимни тёрюне.
Гюнеш нюрдей азиз жанны гереги,
Ярыгъынг сеп, зулмат тюшген кююме.
Къурутмайлын сююв гьисни тамурун,
Янгыз сагъа табиъ этдим оьмюрюм.
Ёлдашым бол узатмагъа ёлумну,
Къысып тутуп йибермесдей къолумну.
Гюнеш нюрдей
© Copyright: Адилгерей Минатуллаев, 2020
Свидетельство о публикации №120041006758
Свидетельство о публикации №120041006758
Рецензии