Сулейманан Эминан ч/ал,
Хуьда чна гьа авайвал.
Сефил тахьуй садрани гьал,
Рахух жуван ч/алал залум!
Кьазват/а на Эмин вине ,
Къачу адан ч/ал яхъ гъиле.
Герек туш чаз маса сегьне ,
Рахух жуван ч/алал залум!
Кутурт/ани ц/ийи гафар ,
Пис жедач чи ч/алан гьалар
Гьинва ч/ал эч/едай сафар,
Рахух жуван ч/алал залум!
Ша гьат хъийин чун дуьз рекье
Дидедин ч/ал кьан лап вине
Ам чи диб я , буба, диде
Рахух жуван ч/алал залум!
Хьайит/а дуьз къайда тамам,
Хуррам хьана шад жеда ам.
Герек гаф кухтун туш гьарам .
Рахух жуван ч/алал залум!
Зайиф тийин чи хайи ч/ал.
Килиг, адал атанвай гьал.
Им айиб я къвезавай чал ,
Рахух жуван ч/алал залум!
Халкь ава ч/ал дири ят/а
На ая ам , ч/ехи, ят/а.
Чир хьурай вун лезги ят/а.
Рахух жуван ч/алал залум!
Г. Шамсудиновна.
Рахух жуван ч алал залум
© Copyright: Гулья Мисриханова, 2020
Свидетельство о публикации №120040807658
Свидетельство о публикации №120040807658
Рецензии