Вун акунихъ вил гала хьи, диде зи,
Агъзур хиял гьатнава къе рик1е зи,
Ви лайлайдин ван гьатнава кьиле зи,
Азиз диде, къакъат мийир чавай вун.
Акваз к1ан я ви нур гузвай вилер заз,
Гъиле к1анда ви чими тир гъилер заз,
Чан диде, вун хьурай сивел хъвер алаз,
Азиз диде, къакъат мийир чавай вун.
Вун гекъигда верц1ивилихъ дуьньядин,
Берекат я, абур я вун суфрадин,
Дат1ана заз акурай ви къени чин.
Азиз диде, къакъат мийир чавай вун.
Дидедиз
© Copyright: Омар Казиханов, 2020
Свидетельство о публикации №120040806426
Свидетельство о публикации №120040806426
Рецензии