***

СИФТЕ  БЕГЬЕР


Мартдин вацра, к1валин кьулук,
За кутуна машмашд къелем.
Кьуру тахьун патал кук1рух,
Ядни гана, кьукни секлем.


Амма вацран, нягьс  къаярал
Шак фена зи,- къелем текъвез.
Игис хьана, к1валин цлак,
Цуьк гъана ада кич1ез-кич1ез.


Цуьк аламаз алатна яр,
Гьаваяр тир секин, чими.
Апрелд вацра къвана марфар.
Чуьхвей къелем, хьана михьи.


Феслийрин рафтарвилик
Къелемдин гьал хьаначир пис.
Буйдал къвезвай, жизвивилин,
Эрел хьунни авуна гьис.


Пуд йис жедалд, гелкъуьник хьун
Таран, хьана  цуьквер патал.
Стунни бейкеф хьаначир зун.
Къелем-тар тир бегьер тагай.


Атана мад нубатдин зул.
Гат1умна зун берт-хел ат1уз.
Жедай адаз са реягьатвал,
Бегьер патал, нефес къчуз!


Мекьер к1ват1на хъфена кьуьд .
Теспача кваз хтана гатфар.
Хилер такваз,  яц1уд, шуьк1уьд,
Тарал хьана цуьквер санбар!


Цуьквериикай азад хьайи,
*Куьц1ери гана къацу тир *ц1вер.
Дигмиш хьанвай машмашралди,
Тарци гъана сифте бегьер. 

2019 й.               

Къейд. Куьц1(ер) – цуьк авахьна, югъ- къандивай ири жезвай
 асул диб, пай(ядро).
Ц1вер – куьц1ерал акьалтзавай къати(яркий) –ранг.
Нугъатдин гафар я.