Ткъо шу дIадаьннад из хинна,
Хийла дезал вайх къаьстаб,
Цунах Iоткъам чIоагIа хинна,
Хийла наьна дог сецад.
Из сурт, духьал латт сона тахан.
Хала да из ла, сатоха.
Дех аз хьогара, сий дола Даьла,
Из сагото юхатоха.
Дукха юрташ-нийса ах мохк
Кхычар доалахьа вай бисаб.
Тешаш ва со, дIадаргда дохк,
Дала дергда цох хьисаб.
Къахетаме волча Дала
Нийсхонца из дерзадергда,
Цига хинна эшам Дала,
Юха меттаоттабергба.
30.10.2012.
Матенаькъан Илез
Духьал лат сона
© Copyright: Илез Матиев, 2020
Свидетельство о публикации №120031603070
Свидетельство о публикации №120031603070
Рецензии