Келе тургъан джазыма
Тебуланы Шукур
Энди келлик джазла,
Сизними сакълайма?
Огъесе къачымы
Отунму сынайма?
Танг алласы тубан
Чакъырады мени.
Джазыууму шынкъарты
Ташаяды кери.
Танг аласы тубан,
Сериуюнчюк бол,
Былай къаты болма,
Тас болурча джол.
Келе тургъан джазым,
Джеталмасам сеннге,
Дунияда болгъанымы
Эсгерирсе мени.
Ёмюрлюк къуанчым энъ
Джашнаб кёлючю,
Джылла ётселеда
Къарыу бериучю,
Мен кетсем да мындан,
Джукъланса да отум,
Ызымы къойгъанма –
Дунья умутум.
Припев:
Къууанч бериучю сейирлик джазларым,
Сюймеклик танынтхан, джашлыкъда джазларым
Сабий кюнюмю таурухуча келиб,
Эсимде къалгъан мени джазларым.
Келе тургъан джазыма
© Copyright: Тебуев Шукур Шабатович, 2020
Свидетельство о публикации №120031603020
Свидетельство о публикации №120031603020
Рецензии