Сабийчик
Тебуланы Шукур
Ариу сёзге баб-ба-хан,
Балхам болуб джарагъан,
Илячинча, – къанатлы,
Эки аягъы – терк атлы,
Ата-ананы джарыгъы –
Сейир заман – сабийлик.
Джангур кюнню чабчысы,
Тал дюлдюрю, къамчиси,
Дунияны гюлчюгю,
Ол ананы пилчиги.
Арый, тала билмеген
Сейир заман – сабийлик.
Бирде тели кючюгю,
Пелиуаны, къууанчы,
Бешик джырны белляуу,
Оюнчакълы гилляуу.
Ол ананы къууанчы
Сейир заман – сабийлик.
Ышарыучу, кюлюучю,
Кёзге кёзбау болуучу.
Ана сёзню айырыб,
Бек къууана билиучю –
Сейир заман – сабийлик.
Сабийчик
© Copyright: Тебуев Шукур Шабатович, 2020
Свидетельство о публикации №120031501680
Свидетельство о публикации №120031501680
Рецензии