Саг дуненчу ваьлча денз-хьа
Из меттаца хьалкхеву.
Наьна метта дош хоз хьалха.
Наьна илле хеставу.
Вахаро хьадел ший наькъаш.
Рузкъан тIехьа Iехаву.
ТIаккха, аьттув лохаш, вахаш,
Ший наьна мотт биц а бу.
Цунах хилац метта эшам, –
Цун тIехьенна эшам хул.
Мелла барах цунга толам,
Мотт байначох лай хьахул.
Наьна мотт – да сага вахар.
Из – къаманна бIоагIа ба.
Сийлена лакхенга кхоачар –
Наьна мотт ший лоархIар ва.
28.02.20.
Наьна метта дозал
© Copyright: Аслан Куазо Ингушетия, 2020
Свидетельство о публикации №120030700614
Свидетельство о публикации №120030700614
Рецензии