(Йоазанхочоа, дикача сага,
Иленаькъана (Евкурнаькъана) Лидайна
баркал оалаш, из лархIарца…)
Хилар лоама со ха йоаккхаш,
Дешца хестош ОальгитIе.
Сай могашаленга хьожаш –
Улаш цига дарбанче.
Лида яр са оагIув лоацаш,
Са хьашташта сагота,
Эшар фуд, могашал хоатташ,
Со вувлийташ паргIата.
Хилар беркат цига сона –
Дукха йоазонаш кхеллар,
Ялсмалерча санна фона
Дега безам дIабалар.
Баркал оал аз, Лида, хьона –
Хоза гIулакх Iа гойтар.
Гаьна йоахийла хьо вонна!
Хьа эздело сох лай вир.
Со цIа вода магар долаш.
Лоаме сай дегачу хьу.
ХIанз хьа ковна тIехьа воалаш,
Салам-моаршал кховдаду.
28.02.20. ОальгитIе.
Лоамара цIаводаш
© Copyright: Аслан Куазо Ингушетия, 2020
Свидетельство о публикации №120030700606
Свидетельство о публикации №120030700606
Рецензии