Атайла ви патав, азиз,
Чlуру хиял гваз килигмир.
Фагьум гана гьар са карциз
Кьилиз татай къаз килигмир.
И дуьнья са багъ я, мумкин,
Гьар са кардин бине дерин,
Къалур мийир на чин серин,
Рикlени хъел тваз килигмир.
Гьисеривди ширин рахаз
Ша багълариз диридаказ,
Атай чlавуз ашкъид аваз,
Вун дамахар гваз килигмир.
Килига мад алай макъам,
Фикир гана къачуз кьадам,
Квадар тийиз гьевес, илгьам,
Гуьгьуьларни хаз килигмир.
Заз дамахар гваз килигмир
© Copyright: Магомед Мирзоев Мирзой, 2020
Свидетельство о публикации №120022507448
Свидетельство о публикации №120022507448
Рецензии