Муваффаќ
Пераклады з таджыкскай мовы Ніны Шкляравай
Мелодыя любові
Лавінай раўнадушша напатканы
Застыў перад табой расчаравана:
За што такі мне лёс наканаваны,
Я ж гэтага не знаў зусім нядаўна!
Гучыш ва мне мелодыяй цудоўнай
І нават белы свет ёй апантаны,
Як мне пазбегнуць гэтае любові,
Чым выгаіцца ад сардэчнай раны?
І я тану ў вачах, нібыта ў моры,
Святлом, цудоўным кожны міг сагрэты ,
Жыць без каханай – горш не знаю гора,
А побач з ёю я слыву паэтам.
Мелодыя любови
© Copyright: Нина Шклярова, 2020
Свидетельство о публикации №120022208205
Свидетельство о публикации №120022208205
Рецензии