ГIалгIай мехках баьха зама –
Из кхетае сона лац.
Дац са цунах тарде хIама.
Цунца диста цхьаккха дац.
Кхетадац аз: из мо, къизал
Сага дегчу мишта йос,
Зулам хьадеш халкъа селлал,
Наьха синойх йоаккхаш фос?
Кхетадац аз: селла дорхал
Са къаманна хьагойттал,
Фу дар къамо хьадаь иззал,
МалагI – гойта футтарал?..
Уйлаш хьувз са керчу дукха.
Цар сатемга кхоачавац.
Бакъда, воакх цар хийла саькха.
ТIаккха, моттиг лохалац.
Хала да дуненчухь ваха,
Вала санна, хала да.
Ишта яьхад даьша хьалха,
Иштта хIанз а оалаш да.
Хьалха хала дар цох кхета.
ХIанз – дерригнех кхеташ ва.
ХIаьта а тигац дего вита:
Жоп лаханза дукха да.
I9.20.20. ОальгитIе.
Уйлаш
© Copyright: Аслан Куазо Ингушетия, 2020
Свидетельство о публикации №120022003996
Свидетельство о публикации №120022003996
Рецензии