До1а

До1а

Багахула  cхьаозийна  кийрара  хьармак  кол  схьайаккхар  санна,
Сел  хала  дуьйцу  и  валар  набкхеташ  санна  атта  делахь  суна!
Доггах доцуш, йахьана, йуьхьана со  кхаба  раг1йиллина  суна,
К1елвисина, доьзална  совваьлла, иштта  вахар  ма  лолахь  суна!

Наха  гехь, дечиг  санна  айбина, хьайна  дуьхьал  вохьучу дийнахь,
Хьайн  нийсачу  бекхамца  1азаптакха  со  декхарийла  ма  велахь:
Къинойх  йазйеллачу  кху  сан  йаь1нех  хьайн  бух  боцу  къинхетам  белахь!
Кху  дуьнено  сих-сиха  иэс  д1адахьар  со  хууш  ву  хьуна  сайлахь!

Сайн  бехк  хуъушехь,  эхь  дайна,  со  тахана  хьоьга  доьхуш  вац  хьуна!
Со  х1аллакван  дагахь,  шайт1ано  суна  исс  эзар  гуо  бина  хьуна!..
Бецан  хелаг  санна, сой  г1ийла  волу  дела, со  доьхуш  ву  хьуна!
Хьан  1азап, иэс  т1екхуьур  доцуш, доккха  дуй  со  цахууш  вац  хьуна!

Валийна, палс  санна  карчийна, охьавиллича  сайн  КОШАН Ц1ИЙНАХЬ,
Суна, даима  а  айса  цуьнга  сатийсина  воккхавер  лолахь:
КЪЕМТАН  ДИЙНАХЬ  хьайн  къинхетамца  со  хьайн  1индаг1е  х1оттавелахь!
ЙА АЛЛАХ1, суна  гечдай, хьайн  хазчу  йалсаманехь  со  ирсе  велахь!