Най ура на, дустал, цал уттигу зунттавун
Аьзизсса аьрщарайн, ттула буттал миналийн
Бюхттул зунттал миц!айх яргну, бургъил нур ритай
Ттул дак!гу ххарисса, асардал тирх учин дай
Припев :
Ттул буттал Аьрщи
Вирттаврал минай
Цал ттигу ура
На вийн икрамрай
На вич!и дишинна, х!акьсса зунттал гъалгъалух
Иминну буллайсса, марц!сса, чаннасса рат!них
Я буруган банна, ц!анну щюллисса багърах
Барчаллагьрай ссавнийн, симан дуруган дурсса
Х!авилул мурхьирай , булбул бур макьан дуцлай
Ттул къюк!лил туннурдайх бур яргну щат!ив бишлай
Тти дахьва бувч!лай бур, ттун дуньяллун т!ин т!ааьн
Аьзиз буттал аьрщи, ина дура ттул Алжан
Родная земля
© Copyright: Фатима Абдуллаева, 2020
Свидетельство о публикации №120020905048
Свидетельство о публикации №120020905048
Рецензии