Цу сигалера седкъашта юкъе
Цхьа ховха халхар хетаде лов.
Са дега чура дежар дешдоакъе.
Хьа уйлашца из ма дика тов.
Цу сигалера седкъий - къаьга дом.
Со lо мел вода, цо наькъаш хьест.
Тарло, лепаташ дlабулабаьб тlом.
Хийла седкъий къагар доаттlаш дест.
Са миска дог лехача наькъашка,
Баьдеча бийсан седкъий гургдац.
Ма кхайка тарсдаьннача седкъашка,
Хьона хетар чакх хlаьта даргдац.
Аз лоlаргьяр сигале сатаме.
Сона дош хетаргдацар из де.
Бакъда, хьежа седкъий къахетаме.
Уж лоархlалургдац со човхаве.
Аз гаргало тоссаргья седкъашца.
Аз цlи хlара седкъа тулларгья.
Аз lадика ювца хьа наькъашца.
Хlаьта халхар со воацаш товргда.
Гlалгlайче, 8. Агlой бетта 2020 шу
Седкъий къахетам
© Copyright: Микаил Сапралиев, 2020
Свидетельство о публикации №120012609385
Свидетельство о публикации №120012609385
Рецензии