Килигналди ваз винелай,
Сел физвайди ви рикlелай,
Фу ганалди на гъилелай
Вуч инсан я чир жедани?
Алуд тийиз вил вилелай
Килигналди вун синелай,
Ширин гафарни мецелай
Вуч инсан я чир жедани?
Салам гана вун кимелай,
Гьекь авахьиз ви пелелай,
Цlар илитlналди хуьрелай,
Вуч инсан я чир жедани?
Къене селлер авахьналди,
Дерин гьуьлуьк какахьналди,
Гьижрандин цlук акатналди,
Вуч инсан я чир жедани?
Накъвад стlал - кьекьемдал экв,
Рикlяй фейла акъудиз тlекв,
Тlал чир тийиз давамиз рехъ
Вуч инсан я чир жедани?
Гъиляй текъвез са кlвалахни,
Рикlел алаз Сад Аллагьни,
Инсандиз хас я гунагьни,
Вуч инсан я чир жедани?
Вуч инсан я чир жедани?
© Copyright: Гасанова Гюзеля, 2020
Свидетельство о публикации №120011907118
Свидетельство о публикации №120011907118
Рецензии