Зи вил хьана

Зи вил хьана, зи вил хьана шумуд югъ...
Мус акъатрай, мус кхьирай лугьуз на...
Экуьнлай зун элкъвена гьак1 ягъиз угь,
Лугьуз хьанач, шел ак1ана туьтуьна...

Зи вил хьана, зи вил хьана, пара вахъ...
Нефес кьуна амукьна зун тахтуна...
Гьижран хьана, гьарай ийиз чириз гьахъ...
Цуьк акъатай мублагь чуьлда тахкуна...

Зи вил хьана, зи вил хьана гьуьлерихъ...
Зи вил хьана лепедихъни къушарихъ...
Амма ви вил - гьар акур кьван рушарихъ,
Дамах ийиз кутаз жуван луварик...

Зи вил хьана, зи вил хьана Ватандихъ,
Зи вил ат1уз ганач вуна са имкан...
Сачахдин шал култаз хьанач зи чандихъ,
Я гаф лугьуз хьанач вавай аваран...

Я чан Аллагь! На заз кьван лагь,садра кьван!
Вучиз икьван рик1 кузват1а адахъ зи?
Икьван гафар лагьайт1а пад жедай къван...
Кьилиз акъуд рик1е авай мурад зи...

Зи вил хьанва, зи вил хьанва зи ярдихъ!
Вилин хтар агаж жезва явашдиз...
Яб акалмир  лугьузвайди, и кардихъ,
Рик1икай зи хабар хутах на ярдиз...