КЪИЗИЛГУЬЛ
Гьейран хьана, ви абурдал, къизилгуьл,
Цуьк ат1удай сак1ани къвезвач къимиш.
Ац1урнава хуш атирди зи гуьгьуьл.
Валди гуьгьуьл жезва, валлагь, яшамиш!
Хкягъна за чка гъенел вун патал.
Жугъундава чка-п1ип1, машат тийиз.
Яру, лацу цуьквер вуна гъун патал,
Гелкъвена зун, гьар юкъуз, чан-рик1 ийиз.
Санбар жезва цуьквед кьадар буйдал ви.
Алахьай югъ, ракъин патай, я ваз хъвер!
Серин ч1авуз, наз цуьквери, суйдал ви,
На лугьуди , куьк1уьрзава зард эквер!
Гьич садрани, цуьк галудна, вазада
Тунвач за, к1алуб гьяркьуь , туьд гуьт1уь.
Цуьквер хуьзвай я кьван ам кьалп база са,
Безек гузва, уьмуьр ийизва куьруь!
Мадни са кар ава, залай алакьда:
Несибдач ваз базарда алвердин кьунч1.
Акурдаз вун, цуьквед иер бухахда,
Ат1ана за, вижевай са, гузва к1унч1!
2017 й.
***
© Copyright: Фикрет Хидиров, 2020
Свидетельство о публикации №120010800476
Свидетельство о публикации №120010800476
Рецензии