Агь ттул курт!сса щавуй,
Хъин дан къашайсса!
Базу базулущал,
Ц!улаглагисса!
Цукун хъин дувава,
Къабюхълай буна?
Ц!униц!а мархлуц!а
Ц!у лаглай дуна ?
Тарг т!ий туннурдащал,
Чурххал базурду,
Къяц!уву бувгьуну,
Ц!акьну дац!ара.
Чансса хъит увкуну
Чулий бац!арча,
Ссурссулул хъют!ниц!ун
Ц!акьну лач!ара!
Миннатри ,къювуй вихь,
На итабакьи!
Илкинну дуньяллийх,
Сайр буллай лехлан!!
Чаннасса дуньяллух,
Лекъаххайсса мякь,
Гьаттавун бивкунгу,
Къалехханссарча!
Ччурччуну лавгукун,
Жагьилшиврул аргъ
Яларав ялату,
Ина гьант!исса?
Х!арчат Цири вил,
Жагьилсса ттул чурх
Гьаттал бурк!унттухун
Ххюрхху буллайсса?
Кьабити хияллу
Ттуяр ххув хьунсса!!!
Къабитанна мажал,
Бак! гьаз дувансса!!!
Хханххираву ттула
Ссигь наниссаксса,
Заннал кашилуц!ун
Вияр ххувссара !!!
Фатима Лакия
Боль души
© Copyright: Фатима Абдуллаева, 2020
Свидетельство о публикации №120010605675
Свидетельство о публикации №120010605675
Рецензии