Я хачу быць падобнай
Не на дзіваў заходніх,
Не на сціплых, чарнявых
Прыгажунь ў паранджы.
На бялёсых славянак
З Зэльвы, Менску, Гародні
З валасамі льнянымі,
Як вясной капяжы.
Чые вочы у колер
Вады і сусвету,
Чые вусны наліты,
Як суніцы ў бары.
Я хачу быць звычайнай
Беларускай кабетай,
Да якой едуць госці -
Дарагія сябры.
Я хачу быць дачкою,
Вартай роднага краю,
Дарагой Беларусі -
Нашай маці, зямлі.
І яшчэ я хачу,
Каб Радзіма святая
Не загінула ў скрусе,
І каб кветкі цвілі.
Фота - інтэрнэт.
Я хачу
© Copyright: Людмила Воронова Супрун, 2019
Свидетельство о публикации №119122603489
Свидетельство о публикации №119122603489
Рецензии