Фикрет Хидиров
ЗАЗ К1АНДА КЬУЬД
А ч1авариз,
Ц1икьвед сан
Зун гада тир
Буй аск1ан.
Куьд атанвай,
Ч1ав тир кьван.
Живедик квай
Рат, майдан.
Гъелер, кьамар,
Гьар жуьре,
Гваз гадаяр,
Квай гуьне,
Авахь жери
Какьандай,
Хк1аж жедай
Майдандал..
Зунни тир кьван
Са женжел.
Кьуна жуван
К1арасд гъел
Хк1аж хьана
А пелел.
Кутуна хьиз
Гъелцик рум,
Хкатиз
Гъелцикай «гум»,
Авахьзавай
легьзеда
Гъелцик галай
Епер кьун,
Зи рик1елай
Алатна,
Зун гъелцелай
Аватна…
Хана зи
Гъилин цуьцуьл.
Гипсина
Хьана зи гъил…
А ч1авалай
Гзаф хъуьт1ер
Алатна,
Къванваз живер.
Фесли хьанач
Заз дак1ан.
Гьална гъелер
Камай кьван.
Гила яшар
Я агьил.
Гъелер кьунал
Физмач гъил.
Хьанват1ани
Зун кьуьзуьд,
Хуп1 к1анда заз
Фесли кьуьд!
2018 й.
«Рик1ел хкунар» циклдай
***
© Copyright: Фикрет Хидиров, 2019
Свидетельство о публикации №119122109452
Свидетельство о публикации №119122109452
Рецензии