Шийна харцахьа, безам лох саго.
Зене увт из дlа. Шийла хьовзало.
Хьийзача фу даьд. Кlаьда лургдац дог.
Ша тlа дикагlа лувжаш нийслу ког.
Хьаьрбаьккхаб корта, lаьржача бlаргаша.
Хьаьрдаьха шортта, довзаш да дегаш.
Ва ма футтаройна, лехк саго къел.
Бирсдувлаш дорха, хьеж бlара lел.
Кlаьда лургдац дог, безамга хьажжа.
Зуй lа седкъаш тоъалла даьржа.
Хийла дожаргда сийна хотташ лар.
Лергах юташ зовне - шоай дегlаре гlар.
Хийла ца беззаше, боал малх хьал.
Хаттарийла отт: "Фуд хьогара хьал?"
Деррига дика да. Могаш-маьрша со,
Дезий дергдолаш ба сайгара гlо.
Безам лох саго, шийна харцахьа.
Бирса хьовзалуш, балац аьттехьа.
Бакълу зиракаш. Дог а кlаьдало.
Тоъал баьге седкъий йов, сердало.
Гlалгlайче, 13. Чантара бетта 2019 шу
Безам зене увт
© Copyright: Микаил Сапралиев, 2019
Свидетельство о публикации №119121303351
Свидетельство о публикации №119121303351
Рецензии