Язбаш булан сорашмагъа гелген къыш,
Салкъын къолу узатылгъан саламда,
Айта огъар:"Ерингни бер, тай, йылыш!
Тереклеге къыйылмагъан къалам да.
Алай арив ренкли гюллер торайгъан,
Мен гёрейим аривлюкню бир сама!"
Язбаш къаршы.Къашын тююп, орайгъан:
"Гетмежексен, ушутмайлы бир саным!
Не мердешдир "парт"-деп гирип гелмеге,
Табиатны силкиндирип сувукъдан
Не замандыр сувукъ аччы еллеге
Кюртлер борап, гёчюрмеге бузлукъдан?!"
"Къарсалама, узакъ турмай гетермен,
Мен бар ерде сюйкюмлюгюнг гёрюнмей,
Ер тюплеге къар сувумну элтермен
Гёзел язбаш, тут гьызынгны, бёлюнмей!"
12.03.2018 год.
Къонакъ къыш
© Copyright: Пахуздек Махтибекова, 2019
Свидетельство о публикации №119120302226
Свидетельство о публикации №119120302226
Рецензии