Мой брат
Митька купец литвин чорнарусец
Летапісны запіс з Пражскага пагранічча.
І лютую сцюжу, і квецень з маною –
яцвяжскай нуды лістапад –
прычэсваў паганец паганскай вярстою:
купец-чорнарусец – мой брат.
Мой брат-чорнарусец прывёз з былой Прагі
у Вільню Скарынавы скарбы:
рыштунак, паперу і вольніцу-прагу,
каб Слова адзелася ў фарбы.
Мой брат-чорнарусец з часоў Ягелонкі
і мроіў, і думаў па-наску,
а той універ ад асветніцы жонкі.
Вучыў дзеясловіць па-панску.
Мой брат- чорнарусец – ліцвінскі паэта,
не то, што Мікола Гусоўскі
ці Пане Каханку з liberum veto
на сойме магнацкай тусоўкі.
Мой брат-чорнарусец – зямляк Прынямоння,
не з Белай, а з Чорнай Русі.
Мой брат-чорнарусец жыве тут і сёння.
Не верыш?
Мяне запрасі.
© Copyright: Мечислав Курилович, 2019
Свидетельство о публикации №119111905133
Свидетельство о публикации №119111905133
Рецензии
Добрай ранiцы, Мечыслау. Прыемна спаткаць сярод тысяч насельнiкау сайта свайго суайчыннiка. Натхнення Вам i дапамогi Божай
Зинаида Полякова 23.11.2019 10:34 • Заявить о нарушении
Зинаида Полякова 23.11.2019 10:34 • Заявить о нарушении
Зінаіда! і Вам вялікае дзякуй за спатканне і водгук і гэтым моры таленавітых людзей. Будзем сябраваць вершамі. Імпэту (і не толькі) ў творчасці. Мечыслаў.
Мечислав Курилович 23.11.2019 23:15 Заявить о нарушении
Мечислав Курилович 23.11.2019 23:15 Заявить о нарушении