(Аметхан Султаннынъ 100 йыллыгъына язылгъан йыр)
Эр бир миллетнинъ тимсали бар,
Гъурурлансын къырымтатар.
Энъ азиз — Ватан ичюн куреш,
Олса да агъры шу атеш.
Бердинъ юрегинни коклерге
эм саф миллий арекетке,
Ят гонълюнде кескин ташысынъ,
Къырымнынъ сербест къушысынъ,
Аметхан, Аметхан...
Багълама:
Ёкъ олсун халкъ элеми!
Кок — къарталнынъ алеми!
Учь йылдызлы къараман
Ольди къоркъудан душман.
Юз йылгъа кетcин намы,
Яшасын хатырасы.
Аметхан — кок къарталы,
Гъурурланъ, эй къырымлы!
Эр несиль халкъкъа бахшыш эте,
Юрегинде сакълап юре
Янъы йылдыз, джесюр батырны,
Бир унутылмаз асырны.
Бердинъ юрегинни коклерге
эм саф миллий арекетке,
Ят гонълюнде кескин ташысынъ,
Къырымнынъ сербест къушысынъ,
Аметхан, Аметхан...
Багълама.
Ноябрь 4, 2019 с.
Аметхан - кок къарталы!
© Copyright: Эльмара Мустафа, 2019
Свидетельство о публикации №119110410432
Свидетельство о публикации №119110410432
Рецензии