Лоралолахь зlамсаг

Ираз, фуд из хоаттий.
Нана я, аргда!            
Малха зlанар боаттlий.
Велакъажлургва.

Ираз, фуд la хоаттий.
Дада ва, аргда!
Къувкъаш дуне доаттlий.
Къонах вовзаргва.

Фуд из рузкъа, хоаттий.
Могаш хилар да.
Фаьра хьазилг гlоттий.
Бала байлургба.

Фуд la рузкъа, хоаттий.
Вахаш хилар да.
Мерза lуйре оттий,
Ткъамала варгва.

Лоралолахь зlамсаг.
Ха тахан аьрда я.
Виц ма лелахь, ва саг.
Харцдар, харца хургда.

Диц ма делахь, къонах.
Деррига хьа кара да.
Харцонах е вонах,
lехалуш, нийсалургва.

Дика, фуд из хоаттий.
Дика хилар да.
Хало-во тlаоттий.
Наха гlо дергда.

Дика, фуд la хоаттий.
Эзди хилар да.
Тlадам цlаьхха боаттlий,
Бlаргаш сийрддаргда.

Безам, фуд из хоаттий.
Кlормац гlеттар да.
Седкъаш шоайла летий.
Шатлакхаш гургда.

Безам, фуд la хоаттий.
Безам хилар да.
Безамах дог доаттlий.
Дика-м кхетаргва.

Лоралолахь зlамсаг.
Ма аьрда зама я.
lех ма лолахь, ва саг.
Лебаьраш дукха ба.

Диц ма делахь, къонах.
Деррига хьа кара да.
Безамах е довнах,
Байнараш дукха ба.

Гlалгlайче, 27. Тов бетта 2019 шу