***
За вокнамі п’яны кастрычнік
У мутным тумане ляжыць.
У лес пацягнуўся здабытчык:
Смачней жа з апенькамі жыць!
З Іванам плятуцца каровы
І штурхаюць дзядзьку – у бок.
Камусьці прывезлі ўжо дровы,
Звалілі на жоўты пясок.
Суседка зразае капусту,
Сама, як капуста ў лістах.
А так у гародзе ўжо пуста.
Мой коцік сядзіць у кустах.
За вокнамі – п’яная восень
І мутны, як брага, туман.
І ў небе над шапкамі сосен
Птушыны плыве караван.
26. 10. 2019 г.
За вокнамi п яны кастрычнiк...
© Copyright: Юрий Боровицкий, 2019
Свидетельство о публикации №119102602687
Свидетельство о публикации №119102602687
Рецензии