Хъпи хьанва вири рекьер:
авахьзава къизилд пешер.
Ваз ухшар я, Зул, къе зуни:
Сефил ийизвай вахтуни...
Цава авай ц1иргъер акваз,
Дурнайрихъ галаз зун рахаз,
Ахъайзава зи рик1икай,
Хиялрив ац1ай кьиликай.
Вучиз камар къачунай за,
Язух текъвез туна хура -
Вахтуник ик1 тади кутаз,
Куьруь жезвай уьмуьр такваз?
Чидач гьайиф яни, тушни?
Белки жезвач ваз гьич хушни
Авахьдайла язух пешер,
Вил тарцикай тат1ай тегьер...
Гарун сиве аваз элкъвез,
Марфад ст1ал ягъиз пелез,
Абрун умуд яргъарава:
Мад хкведай гатфарава...
Хъпи гамар - зулун рекьер:
Лап дарихдиз физва пешер.
Зул, къе зуни ваз я ухшар,
Зи чандайни физва накъвар....
Эхь, ухшар я зулуз зуни:
Гуьруьшдиз гъанвай паркуни...
Зулухъ галаз ихтилат
© Copyright: Гасанова Гюзеля, 2019
Свидетельство о публикации №119102409004
Свидетельство о публикации №119102409004
Рецензии