Айтар сузим

Кўзларимдан сизилар ёш мисли маржон,
Согинчдан ўртанар кўксимдаги жон.
Багримга босолмайман энди хеч качон,
Рухингиз шодми ахир айтинг ДАДАЖОН?!

Полапонларга гамхўр ок кабутарим,
Ўзин эмас, фарзандин ўйлар камтарим.
Нихоя топмаса эди хаёт дафтари,
Умрингиз зиёда бўлсин мунис ОНАЖОН!!!

Ортда колди кофирлик хукмрон замон,
Хурлик нафаси уфурар иймони соглом.
Токай чанг босиб ётар мукаддас “КУРЪОН”?
Бугунни хам, эртани хам ўйланг АКАЖОН.

Давр беайб, айбдор эмиш пешона шўрлик,
Аммо такдир ёзилмагай кайгуга тўлик.
Воз кечса кондошлар деманг кўргилик,
Сог бўлсангиз кифоя энди ОПАЖОН.

Борин хавога совурдим деёлмам харгиз,
Савоб: Эхсон, яхшиликлар кетмагай бежиз.
Аминман, кайта тўлар куриган денгиз,
Ишонармисан бунга билмам СИНГИЛЖОН.

Бахтим ичимга сигмаган сен тугилган кун,
Магрур эдим сендек жигар борлиги учун.
Эхтиёж сезган чогимда йўк эдинг нечун?
Мустакил хаёт куряпман дегин, УКАЖОН?!

Жони халак, келажак барпо этувчи,
Оиласин пойдеворин махкам тутувчи.
Кариндошлик ришталарин бизми бузувчи?
Ака... Жиян хам ўгай... Зўр АМАКИЖОН!

Яхшиямки кўриб турар барини Худо,
Кимга бахт бериб, кимдан айларкан жудо.
Талпинардим йиллар узра, ишим гар хато,
Узрим Аллохга танхо! Узр АММАЖОН.

Насихат хамда танбехга мухтож онимда,
Тогдек савлатини тўкиб турса ёнимда,
Назаримда бир хил эмас кон томиримда,
Ўпкаласам ўпкам тошар... Майли, ТОГАЖОН.

Хар ким киёси ўзига, кимдан киёслар,
Оддий, лекин тушунарсиз муносабатлар.
Шукр килинг!  Ўтгувчидир бу мусибатлар,
Бардам бўлинг. Не хам дердим сизга ХОЛАЖОН.

Малол келса зарра мехнат кайн, овсунга,
Нахотки ибодат, либос хўжакўрсинга?
Менмас, Худо раво кўрар жазо, тахсинга,
Аслингизга лойик бўлинг эй ДУГОНАЖОН.

Эзгу дуоларим канот чикариб,
Кай томон бўлманг сиз топсин ахтариб.
Дўстим бўла туриб, колдирган гариб,
Аллохга омонат ДЎСТ-У КАДРДОН!

Курраи заминда дил урар аста,
Орзу-умидларла Сабр Ораста.
Нурдан унармикан юраги хаста,
Дунёга келсанг гар азиз БОЛАЖОН.

Девонаи Машраб... Ўксук Увайсий...
Оламдан беармон ўтибди кайси?
Рахмоним Мустакийм! Хамрохим Шамси!
Таваккал ўзингга БУЮК ХУДОЖОН!!!


Ma*Dina Hasan 15.07.2018 /22.33/