Гъюра ич балугъчи халу,
Нир’ан учуз хядар хьади.
Гъулан гатар жерге йивну,
А гъюри дугъан кьяляхъди.
Улихь гатар, кьяляхъ чиркквар.
Дазаргну чпин дирбаш рижвар,
Ккергъну а гатарин мявар,
ИтIуз ккунди а балугъар.
Гъянир ву балугъчи халу,
Гьяйифра дарапIди дугъу,
Варидиз сабси пай гъапIну,
Нирихъ гъидису балугъар.
ТIягънарин ацIнушра фунар,
Халуйикан дапIна хъюлар.
Ипна гьарай, ву кIури цIиб,
Начкьан дарапIди зат сацIиб.
Аьлхъюру балугъчи халу,
Гатариз чан пайра тувну,
Нирихъна дишлади гъушну,
Хъанара дисуз балугъар.
Балугъчи халу хъуркьрадар,
Ич хулаз балугъар хьади. Жерге йивну хъана гатар,
Гъюр хъана дугъан кьяляхъди…
Балугъчи халу
© Copyright: Гюльмагомед Расулов, 2019
Свидетельство о публикации №119092409036
Свидетельство о публикации №119092409036
Рецензии