Xьона дагадоагlий, ухар
Цхьан хана, укхаза вай.
Хьона дагадоагlий, ловзар
Цхьан хана, эттlадеш тай.
Гонашкхесторг, гонашкхесторг,
Сатийна латт. Шелъеннай!
Гонашкхесторг, гонашкхесторг,
Сатийна латт. Йоасъеннай!
Аз хийцай уйла. Дувцараш
Моажача гуйрено кхоаб.
Аз хийцай гlайгlа. Мукъамаш
Говзача фаттанча lоаб.
Гонашкхесторг, гонашкхесторг,
Ма тийна латт. Шелъеннай!
Гонашкхесторг, гонашкхесторг,
Ма тийна латт. Йоасъеннай!
Са майра борал, шераша
Дозалца даькъаза оач.
Са бера бурчолг, бераша
Шоай гlара-татаца кхоач.
Гонашкхесторг, гонашкхесторг,
Мукхяаргахьа яьннай.
Гонашкхесторг, гонашкхесторг,
Хьо ханаргахьа яьннай.
Со а вац тахан зlамига.
Зувш хьавоагlа со дуне.
Аз а ювц хьоца lадика.
lадика, берий дуне!
Гlалгlайче, 21. Моажала бутт 2019 шу
lадика, берий дуне!
© Copyright: Микаил Сапралиев, 2019
Свидетельство о публикации №119092106886
Свидетельство о публикации №119092106886
Рецензии