Xьувз дорха догlа

Микаил Сапралиев
Булужнеш лувчаеш хьувз шийла догIа.
Хета тарлу, морхаш безаман елх.
Гурахьа гучадувл, жогIара жогIа.
Тарлу Iандорх хоза наьха санна елх.

Хьона сатийна хет, хьа гуйра ярах.
Хьа IажагIа уврамаш, ювл зене ловза.
Доккха хIама ма дий, со ишта Iарах.
Са шераш бене дувла тахан говза.

Кхайкаяр гIайгIанга, дIаэцалахь.
ДIаэцалахь, са мукъамаш гIийла.
Къамаьлах тийшар хьо, дика лацалахь.
Лаьтта эгош дод гора адам, хийла.

МIадхиш IоцIийста  да булужнеш хьесташ.
Хета тарлу, аз чура дог айса даьккхад.
Со вац хьона, кхы ер да аьнна, кхесташ.
Вай безаман сардамаш тоъал даьхад.

Булужнеш лувчаеш хьувз дорха догIа.
Хета тарлу, бирса сигале сеткъ.
Гурахьа гучадувл, ногIара ногIа.
БIарза хIана хет-те, цо дог хIана Iеткъ?

ГIалгайче, 19. Моажала бетта 2019 шу


© Copyright: Микаил Сапралиев, 2019
Свидетельство о публикации №119091909014
Список читателей / Версия для печати / Разместить анонс / Заявить о нарушении
Другие произведения автора Микаил Сапралиев
Рецензии
Написать рецензию
Другие произведения автора Микаил Сапралиев