Маг1арулазде ах1и...
Маг1арул хинк1азул т1аг1ам бокьарал,
Рач1а маг1арухъе хинк1ал кваназе.
Данде мохмох кванан,
т1аде гьаг1у ххун,
Гьарзаяб, х1алалаб баркат бихьизе.
Мич1илъ хинк1ал гьарун,
Ц1ураб чед бежун,
Буг1аролъул хинк1ал- бетараб рахьгун.
Ц1оросоролъ барсун, гьабихъ гьеб хенон,
Гьелъул гьуинаб карщ рахьгун ч1ик1изе.
К1одо эбелалъул корихъ режарал,
Берцинал чадазул мах1ги сунт1изе.
Т1орахь нису жубан, дандежо гьабун,
Гьелъулги х1ал бихьун лаззат босизе...
Русса маг1арулал нуж
маг1арухъе,
Хъухъари гьабизе, ханжу хенезе.
Ц1ун бакьал мокъида ракъвазе разе.
Ц1еда гьанги реххун, дандеги руссун,
Г1агабожаралгун лъай-хъвай гьабизе.
Ц1орорал иццазул лъел
т1аг1ам лъазе,
Бац1адаб гьава ц1ц1ун курмул ц1илъизе.
Чияр к1одо гьабун, к1оч1езе тараб,
Нилъерго рахьдал мац1 рак1алде щвезе...
Маг1арулазде ах1и...
© Copyright: Сафи Сулим, 2019
Свидетельство о публикации №119091708189
Свидетельство о публикации №119091708189
Рецензии