Шухрат Аббосов

СУЗ БОШИ.

Кеча бехосдан куриб колдим «Instagram» тармогида:
Нохуш хабар... Хаёлга толдим ёш ила карогимда…
Абитуриентман. Санъат институти. Аудитория маркази…
Махорат имтихони биринчи тури – Арсен Исмоилов курси.
Махмуд Рашидов, Хамида опа калдиргочлардек тизилган,
Дераза ортида Онам, опам… хаяжонда кузатган.
Кетма-кет шарт-шароит берарди устозим АРСЕН АКА,
Жон-жахдимла бажарардим «Актриса буламан» дея…
«Фарзанд» монологи. Уткир Хошимов «Дунё ишлари» киссаси,
Урнидан туриб келди АББОСОВ – АСОСИЙ ХАЙЪАТ АЪЗОСИ!
Бошим тепасида: - Илон чакди!!! – дедилар тусатдан кузлари ёниб,
Тиз чуккалаганча йиглайверардим гуё она кабридаги кахрамоним…



ШУХРАТ АББОСОВ...

Москва самоси чукур гамда куз ёшлар тукаётир,
ШУХРАТ АББОС УТДИ оламдан, узилди инсон хаёти.
«Инна лиллахи ва инна илайхи рожиъун» деяр забон,
Рахматингга ол АЛЛОХИМ, ЖАННАТДАН ЖОЙ ЭТ ИНЪОМ!!!
Ижод махсулингиз тенгсиз «Мосфильм» билдирар таъзия,
Хамкасбларингиз боши эгик, кунгилда мунгли марсия.
Тупрок багрига чукмокда хашаматли минора,
Киноихлосмандлар укинмокда огир жудолик, на чора…
Кайгуда якинлар, шогирдлар кетди дея Устоз, Отам,
«Узбекфильм» деворлари» яна тутажак мотам.
Дарз кетган зинапоялар кийди ридо либосин,
Кексайган дарахт соялар садосида овозингиз.
Сценарийнавис! Улкан режиссёр! Ун бешта кинотасма –
Санъатимизда хиссангиз бисёр, саралаб булмас кисман.
Собик иттифокка ейдингиз «Узбекфильм» довругин!
Эскирмас фильмлар харгиз, Сизга Юрт фахрий ёрлиги!
«Абу Райхон Беруний»нинг авлоди иззат-икромда,
Олкишлар узи Феллини, буюклар эхтиромда.
Тинч ётингиз тупрок ичра, рози сиздан халкимиз,
Хотирамизда энди бир умрга шляпадаги сиймоингиз.
Кузойнак ортидан махзун, лек доно боккан кузлар,
Ташаккур фильмлар учун! Улар абадий сузлар.
Забардаст, магрур тог кулади – Асрий ижодкор, Дахо,
«Оловли йуллар» жилмаяди, ун етти кисми бебахо.
Енгдими хасталик дарди? Голибми душман-азият?
«Отамдан колган далалар»ни айлаб кетдингиз васият.
«Саксон етти йил»… Ёпилди китоб. Хар бир боби шархи кенг,
Узбек киносидаги Офтоб «Сен етим эмассан» денг?!
«Махаллада дув-дув гап» - фильмлар дурдонаси!
Меросингиз турар безаб «Узбеккино» хазинасин.
Кухна Шош гузаллигин акс эттирган лавхалар,
Камтар, мехридарё Узбегим – Она Халким улуглар!
«Тошкент – нон шахри» жахон кинематографи олмоси!
Ёркин мухрла азиз ном таратар пойтахт зиёсин.
Кулим куксимда таъзимда кинофильм ифтихоридан,
Кончаловский ва Сиздан беадад миннатдорман.
Улим хак. Такдир меъёрин Холис Аллох белгилайди,
Мелис Абзалов, Хотам Файзиев… утганлар сафи кенгайди.
Мустахкам мармар устунлар кетма-кет дарз кетмокда,
Шухрат Аббосов хам синовли дунёни тарк этмокда…


ХОТИМА УРНИДА…

Жаноза укиди жамоат… Ерга куйилди мархум,
Илининг Куръон тиловат мусулмон диндош учун.
Хато-гунохларидан кечгин утинчим Рахмдил Эгам,
Унг томондан осон кечсин савол-жавоб тутган дам.
Азоблардан айла фориг, савобларин эт зиёда,
Рахматингга илхак, мушфик Яхши Инсон эди бу дунёда!
Кабрларин тулдир нурга Ар-Рохийм, сахий Ар-Рахмон,
Токи махшар кунигача эзгу амалларин эт соябон!
Халким бехуда кайгурма, кул бириктиринг дуога,
Куръон укинг Устоз хаккига, етсин Арши-Аълога!
Бефарк булманг Ислом Ахли, мархум рухи шод булсин,
ШУХРАТ АББОС СОЛИХ УГЛИ ЖАННАТГА ОШУФТА БУЛСИН!