***

КЬ В Е Д А Р

Гьисс тавурт1а вуна алем,
Гьисс  ийидач вун алемди.

* * * *
Гьикьван ваз ви диде к1анда,
Хийир-дуа  жеда чанда!

* * * *
Чил а ч1авуз я хьи ужуз,
А чил  патал тирла ажуз!

* * * *
Залан кьилиз герек хьайила куьмек,
Рекъвек кутур гъил – гьача-дестек!

* * * *
Са  куьникайни туширди кич1е,
Акъвазда кьве гъил яна эч1ез.

* * * *
«Зун», «зун» - лугьуз, хуруз гъуд ягъмир,
Са рик1 я хура авайди кямир!

* * * *
Паркьулдин пешчел аватна чигедин ст1ал,
Хвеши хьана паркьулдиз гайи хьиз медаль!

* * * *
Хъипрез вичин, ц1иц1рез  вичин ава ч1ал-рахун,
Амалзава ван-сесиниз, квадар тийиз ч1алан къанун.

* * * *
Гьакъикъат - кьве вилин акун-кьат1ун я,               
Ахпани  камалдин шеле к1ват1ун я. 

* * * *
Бубайри ч1иб ягъай накьвар я ватан!
Несилриз  бес  жедай кьадар я ватан!

* * * *               
Гьасилзава шеъ, ала иер сфет,       
Къиметни багьа,  агъузни я кфет.

* * * *
Кьве вил рекье фич, ийида чухун-хер.
Гьавиляй  абрун арада ава нер.

* * * *
Журеба т1ул ква гьар са касдик.
Хъсан, писди хьун, тербия -  асасди!

* * * *
Хуьзвай нехирдин чизвачт1а кьадар,
Тахтай малдикай кьадайди я хабар.

* * * *
Уьмуьр садра я - элкъвена техквер.
Алахъ, гел тур,  квай шадвал, хъвер!

* * * *
Бахт авани, бахт гьинва къе?!
Ма! – лагьана ам гузвач гъиле.