Оли-боли, тха малейк.
Ираз хилда хьа, кIориг.
Хоза кхелла берилг хьо.
Дала денна совгIат хьо.
Оли-боли, тха таник,
БIарг белабу тха зизилг,
Хьайца долаш иразилг,
Делаш хилда хьа догилг.
Оли-боли, тха хьазилг,
Супа хийла хьа моттиг,
Йиза хийла хьа сурилг,
Дошо хилба хьа кортилг.
Оли-боли, тха кIорни,
Сийрда хилда хьа дуне.
Ма лацалда хьо уне.
Хилда даимма мукъне.
05.08.2019.
Ага илли
© Copyright: Аслан Куазо Ингушетия, 2019
Свидетельство о публикации №119090107326
Свидетельство о публикации №119090107326
Рецензии