Са безаман мукъам,
Ма гlайгlа лоацаш тоалу.
Тамашийна lоткъам,
Са доасдеш сиха хоалу.
Со декхарийла ва,
Хилар тоам болаш хозде.
Ма хаттарийла ва,
Oзаш вахар хьа, гlозде.
Хьа гlайгlане сурто,
Догlий тlадамаша хьоарц.
Са безаман чурто,
Дутаргда хьувзаме оарц.
Гlийла хьокхар санна,
Йода гуйре, сатоссаш.
Сийна хьулам хинна,
lа хьувкъ лайчингаш тоссаш.
Гlалгlайче, 28. Мангала бутт 2019 шу
Гlайгlа лоацаш
© Copyright: Микаил Сапралиев, 2019
Свидетельство о публикации №119082809201
Свидетельство о публикации №119082809201
Рецензии