Са мугlараш, ма гlийла дож тахан.
Са дега мужалт эттlош йоагl ха.
Са гlулакх дода тахан цхьа бахьан.
Цlий кхехкаш, корзагlадувла са.
Хьо даькъала хийла, шийла гуйре.
Гlайгlане хийла даим соца.
Хьо даькъала хийла къаьга lуйре.
Са шортта къамаьл да де хьоца.
Хиннай са уйлаш беркате, цlена.
Кхоане хиннай са даим къаьга.
Хиннай са гуйренаш lаламцlена.
Зама дlаяхар вай цlерца яьга.
Цlимхара хетараш во гучдувла.
Са оамалаш ма даькъазъювл хlанз.
Мел бола бала низткъа чукъувла.
Цхьа биркъе хет тахан гуйра ганз.
Гlалгlайче, 26. Мангала бутт 2019 шу
Kорзагlадувла са
© Copyright: Микаил Сапралиев, 2019
Свидетельство о публикации №119082608664
Свидетельство о публикации №119082608664
Рецензии