На жэрдачку каля саломы...

***
                Памяці мамы

                Дзе вы, песні, дзе, свабодныя?
                Дзе ваш водгалас магучы…
                Я. Купала

На жэрдачку каля саломы
Маленькай птушачкай прысела.
Глядзела, як капаю бульбу,
І нешта шчабятала, пела…

І бачу, ухваляла працу
І бульбу, што ссыпаў у кучу,
І гаварыла, гаварыла…
І я ляцеў душой у кручу

Былога шчасця – без кахання,
Без славы горкае – паэта…
Вясну сваю ты ўспамінала
І наша – бульбяное – лета,

Калі мы бульбачку капалі,
Ссыпалі кошыкамі ў кучу,
А ў небе праплывалі хмары
І грому водгалас магучы…

23 – 24. 08. 2019 г.


Рецензии